Առաջարկներ Ընտրական համակարգի վերաբերյալ
Ընտրական համակարգի փոփոխությունների վերաբերյալ իր առաջարկները Սասնա Ծռեր համահայկական շարժումը ներկայացրել է 2018 թվականից սկսած, որոնք առաջ են քաշվել նաև վերջերս կայացած քննարկումների ժամանակ ևս:
Դրանք ներկայացնում ենք ստորև՝
Առաջարկներ Ընտրական համակարգի վերաբերյալ
1. Ընտրություններն անցկացնել 100 տոկոս համամասնական (փակ ցուցակներով) ընտրակարգով
2. Ընտրելու հնարավորություն տալ Արցախում և արտերկրում բնակվող բոլոր ՀՀ քաղաքացիներին
3. Երկարաձգել ընտրությունների արդյունքների, ընտրական գործընթացի վերաբերյալ որոշումների (ընտրական իրավունքի) բողոքների ներկայացման ժամկետները (ներառյալ՝ դատական պաշտպանությունը) և պարզեցնել գործընթացը
4. Քվեարկելու օրը ապահովել ամբողջ գործընթացի առցանց հեռարձակում բոլոր տեղամասերից (սկսած ժամը 7.00-ից տեղամասային ընտրական հանձնաժողովի տեղամասային կենտրոնի նիստից)
5. Ընդլայնել ընտրությունների արդյունքների բողոքարկման իրավունք ունեցող սուբյեկտների շրջանակը
6. Ներդնել փողի (դրամի կամ այլ նյութական արժեքների) ազդեցությունը նվազեցնող մեխանիզմներ
7. Ապահովել նախընտրական քարոզչության հավասար պայմաններ բոլորի համար
8. Ընտրություններին մասնակցելու հնարավորություն տալ նաև առանձին նախաձեռնություններին (ոչ միայն կուսակցություններին և դաշինքներին)
9. Ներդնել և կիրառել վարչական կամ պետական ռեսուրսի օգտագործումը բացառող մեխանիզմներ
10. Առավելագույնս մաքրել ցուցակները
11. Ձևավորել Կենտրոնական ընտրական և Տարածքային ընտրական հանձնաժողովների նոր կազմեր
12. Մեկ բազայում միավորել մատնադրոշմային գրանցման և նույնականացման տեղամասային էլեկտրոնային համակարգերը
13. Հանել անցողիկ շեմը
14. Նվազեցնել ընտրական գրավի գումարի չափը և այն սահմանել նվազագույն աշխատավարձի 5000-ապատիկի չափով
15. Խստացնել ընտրախախտումների համար սահմանված պատասխանատվությունը
16. Լրացուցիչ ֆինանսավորում հատկացնել ԱԺ-ում ընդդիմադիր ուժերին
17. Վերացնել պատգամավոր կամ կառավարության անդամ դառնալու՝ վերջին չորս տարում միայն Հայաստանի Հանրապետության քաղաքացի հանդիսանալու, վերջին չորս տարում Հայաստանի Հանրապետությունում մշտապես բնակվելու սահմանափակումը
18. Վերացնել ԱԺ-ում կայուն մեծամասնության վերաբերյալ պահանջը
19. Արգելել Հայաստանում բոլոր չորս վարչակազմերի մաս կազմած այն անձանց մասնակցությունը պասիվ ընտրական իրավունքով, ովքեր զբաղեցրել են քաղաքական կամ իրավապահ մարմինների ու հատուկ ծառայությունների պաշտոններ