ՔԱՆԻ ԴԵՌ ՃԱՄՓԻՆ Է ՍՈՒՐԸ ՈՍՈԽԻ
«Իրերի տրամաբանությունը մեզ առաջնորդում է դեպի անկում։ Բայց կա նաև ոգու տրամաբանությունը» (Հայկ Ասատրյան)
«Որդյակնե՛ր, խոսքով և լեզվով չսիրենք, այլ գործով ու ճշմարտությամբ». (Ա Հովհաննես 3։18 )
Սիրելի աշխարհասփյուռ Հայ ազգ,
Հայոց երկրում իրավիճակն օրհասական է ու վճռորոշ։
Այսօր՝ այս ժամանակում է գրվում Հայոց Պատմության մի ճակատագրական էջ: Կոչ ենք անում ձե'զ, մեր եղբայրներ ու քույրեր, հեռու վանելով ամեն տարաձայնություն, վեճ ու թշնամանք` միավորվել «Ազգային-ժողովրդավարական Բևեռ» վերկուսակցական շարժման նախաձեռնած ազատագրական պայքարի շուրջ։
Միավորվեք հանուն մեր երեխաների ապագայի, և ոչ միայն... այլ նաև հանուն մեր նախնիների և մեր զինվորների թափած արյան։
Փառք Հայ Մարտիկին։ Մեկ բռունցք դառնանք, հաստատենք Հայոց երկրում Հայ ժողովրդի իշխանությունը, վերականգնենք արդարությունը և մեր ազատությունը։
ՔԱՆԻ ԴԵՌ ՃԱՄՓԻՆ Է ՍՈՒՐԸ ՈՍՈԽԻ
«Մի՛ ակնածիր հզորից, մինչև մահ պայքարիր հանուն ճշմարտության և Տեր Աստված կպայքարի քեզ հետ» (Սիրաքի իմաստություն 4։33 )
«Եղեք քաջ, և աշխարհի ամենաուժեղն իսկ պիտի փնտրի ձեր զինակցությունը» (Գարեգին Նժդեհ)
Սասնա Ծռեր խմբի ապստամբներ՝
Արեգ Կյուրեղյան
Գագիկ Եղիազարյան
Էդվարդ Գրիգորյան
Սեդրակ Նազարյան
Նուբարաշենի բանտ 25․09․2023թ․