«Քաղաքականությունը խորշելի է և հանցավոր, երբ դրանում չկա ազգային բաղադրիչ».Գ. Գալստյան
Նախկինների և ներկաների հանդեպ տիրող անվստահությունը չպետք է տարածվի ազգային շարժման վրա:
Բնականաբար այդ երկուսը իրենց տրված հնարավորությունը չեն օգտագործել ի նպաստ ազգի և պետության, նրանց հանդեպ գոյություն ունեցող և գերակշռող անվստահությունն ու հակակրանքը, եթե ոչ ատելությունը, միանշանակ արդարացի է, բայց ազգը չի կարող մնալ առանց քաղաքական ապագայի, քանի որ դա կարող է հանգեցնել պետության (կամ այն ինչ մնացել է պետությունից) կորստի:
Անհրաժետ է քաղաքականապես կազմակերպվել: Ցավոք սրտի պետության ստեղծման և պահպանման էությունը ենթադրում է քաղաքական պայքար:
Չի կարելի խորշել քաղաքականությունից միայն այն բանի համար, որ դրանով հիմնականում, հատկապես Հայաստանում, իբր զբաղվել կամ զբաղվում են խորշելի դեմքեր:
Քաղաքականությունը խորշելի է և հանցավոր, երբ դրանում չկա ազգային բաղադրիչ:
Ցավոք այս տարիների ընթացքում պետությունը ղեկավարվել է ազգային բովանդակություն չունեցող քաղաքականությամբ և հանցավոր մեթոդներով:
Այսօր ազգի քաղաքական կազմակերպվածության հրամայական է առաջացել, որը շրջանցելու համար շատ մեծ և դառը գին ենք վճարելու: