Համախմբում
Ազգային- ժողովրդավարական Բևեռը տեղեկացնում է, որ սույն թվականի հունիսի 21-ին՝ չորեքշաբթի, ժամը 14:15-ին (ԱՄՆ արևելյան ստանդարտ ժամանակով), իսկ Երևանի ժամանակով ժամը 22:15-ին, տեղի կունենան Հայաստանի վերաբերյալ Կոնգրեսի առաջիկա լսումները՝ «Պաշտպանելով Լեռնային Ղարաբաղի ժողովրդին» վերտառությամբ:
Լսումները հովանավորվում են Թոմ Լանտոսի մարդու իրավունքների հանձնաժողովի կողմից՝ կոնգրեսական Քրիս Սմիթի ((հանրապետական, Նյու Ջերսի) և կոնգրեսական Ջիմ Մակ-Գովերնի (դեմոկրատ, Մասաչուսեթս) համանախագահությամբ։
Ժիրայր Սէֆիլյանը Վաշինգտոն կատարած այցի ընթացքում հանդիպում է ունեցել կոնգրեսական Սմիթի գրասենյակի հետ, որտեղ նա կարևորել է Արցախում հումանիտար ճգնաժամը և ընդգծել այդ հարցում Կոնգրեսի ներգրավվածության անհրաժեշտությունը։
Ազգային-ժողովրդավարական Բևեռը կշարունակի լոբբինգը ԱՄՆ Կոնգրեսի ազդեցիկ անդամների հետ՝ The Livingston Group-ի հետ իր շարունակական համագործակցության միջոցով:
Ազգային-ժողովրդավարական Բևեռը հայաստանյան ԶԼՄ-ներին կոչ է անում ակտիվորեն լուսաբանել Կոնգրեսի առաջիկա լսումները:
Ազգային-ժողովրդավարական Բևեռի մամուլի ծառայություն
19.06.2023թ, Երևան