ԱՐԱՄ ՄԱՆՈՒԿՅԱՆԻ ԿՈՉԸ ՀԱՅ ԺՈՂՈՎՐԴԻՆ
1918 թ. Մայիսի 21-ի երեկոյան Երևանի քաղաքային ժողովարանի ամառային շենքի հրապարակում կայացած հանրահավաքում Արամը հանդես եկավ ելույթով`
«Կրկնութուններ անելու այժմ տրամադիր չեմ և ժամանակ էլ չկա ճառերով զբաղվելու:
Ես եկել եմ հայտնելու ձեզ, որ թշնամին գրավել է Սարդարաբադը և շարժվում է դէպի էջմիածին:
Մեզ մնում է մի բան, կամ զէնք վերցնել ու դուրս գալ թշնամու առաջ և կամ կոտորւել ոչխարի պես...
Ով ուզում է ապրել, առանց րոպէ կորցնելու, թող վերցնի զէնքը, վերցնի նաև երեք օրվա պաշար ու իսկույն ևեթ դիմէ ուսուցչական սեմինարիայի շէնքը՝ ցուցակագրվելու և այնտեղից ճակատ ուղարկվելու համար:
Ես իմ ասելիքս վերջացրի, այժմ ձեզ է մնում անելիքը»:
ԱՐԱՄ ՄԱՆՈՒԿՅԱՆ
Մայիսի 21, 1918 թ.
ք. Երևան