Ադրբեջանը շտապում է փակել Բերձորի միջանցքը և տեղահանել Աղավնոյի բնակիչներին

Թշնամին արագացված տեմպերով ավարտում է Բերձորի միջանցքը շրջանցող այլընտրանքային` Կոռնիձոր-Լիսագոր ճանապարհի շինարարությունը, որը 2020 թ. նոյեմբերի 9-ի կապիտուլյացիայի հայտարարությամբ նախատեսված էր ավարտել 3 տարվա ընթացքում։

Ադրբեջանը, տեսնելով Հայաստանի պարտության ու պարտվողականության և Արցախի հանձնման երաշխավոր Ռուսաստանի ազդեցության գահավիժող անկումը մեր տարածաշրջանում, Նիկոլ Փաշինյանի կառավարության գիտությամբ ու համաձայնությամբ շտապում է օր առաջ փակել Բերձորի միջանցքը և տեղահանել Աղավնո գյուղի հայ բնակիչներին։

Եթե մեր ժողովուրդը շարունակի հապաղել և չմոբիլիզացվի Փաշինյանի դավաճանական կառավարությանը ու հրապարակներում Մոսկվայի հրահանգով դիմադրություն բեմադրող նախկին դավաճաններին ասպարեզից հեռացնելու և ազգային անցումային կառավարություն ձևավորելու նպատակով, ապա կորուստները ևս կշարունակվեն։

Այսպիսի ընթացքը շուտով մեզ կհասցնի անդառնալիության կետին։

Ժամանակ չունենք, թշնամին մեր տուն է մտել։