Սիրելի հայրենակիցներ

Ժամեր առաջ տեղեկացանք, որ Կրեմլի 5-րդ շարասյան ներկայացուցիչները, այս անգամ առաջին պլան մղելով Նիկոլ Փաշինյանի նախկին զինակից և վաստակավոր չեկիստ Արթուր Վանեցյանին, սկսել են ժողովրդին խաբելու և հանուն Կրեմլի ու իրենց անձնական շահերի հրապարակ բերելու և օգտագործելու հերթական փորձը։

Նրանք քողարկվում են Արցախի փրկության կարգախոսներով, սակայն իրականում հերթական թատրոնն են խաղում, որի նպատակն է Հայաստանը (Արցախը ներառյալ) կցված պահել կործանվող Ռուսաստանի սայլին` դատապարտելով մեզ նախ նրա փլատակների տակ մնալու, ապա նաև` թուրք-ադրբեջանական տանդեմին կուլ գնալու աղետալի հեռանկարին։

Ոչ մի դեպքում չհավատաք օտարին ծառայող այս խաբեբաներին։ Սրանց և Փաշինյանի միջև հակասությունն ընդամենը իշխանության կերակրատաշտի համար է։

Ինչպես արդեն հայտարարել ենք ապրիլի 9-ի մեր հանրահավաքի ժամանակ` մենք ականատես ենք սատկող Պուտինյան ռեժիմի ջղաձիգ և հուսահատ վերջին քայլերին։

Կոչ ենք անում զգոն լինել, չտրվել սադրանքների ու սպասել շուտով գալիք պատեհ պահին և այդ ժամանակ մեր առաջին իսկ կոչով դուրս գալ հրապարակ։

Մենք սխալվելու իրավունք չունենք։

Մերժե'նք նախկին ու ներկա դավաճաններին և պատրա'ստ լինենք ժողովրդի կամքի պարտադրմամբ վռնդելու դրանց և ձևավորելու ազգային անցումային կառավարություն։

Ազգային-ժողովրդավարական բևեռի խորհուրդ

17 ապրիլի 2022 թ., Երևան