ՌՈՒՍԱԿԱՆ ԿԱՅՍՐՈՒԹՅԱՆ ՄԱՅՐԱՄՈՒՏԸ ԵՎ ՀԱՅԱՍՏԱՆԻ ԱՐԵՎԱԾԱԳԸ
Այս պատերազմը այլևս ունի մեկ ելք ֊ Պուտինյան ռեժիմի և չեկիստական համակարգի տապալում (Պուտինին կամ կվերացնի իր իսկ շրջապատը կամ նա կդատվի Հաագայի միջազգային դատարանում) և Ռուսական կայսրության փլուզում ու մասնատում։
Ռուսաստանը կզրկվի միջուկային զենքից և ՄԱԿ֊ի անվտանգության խորհրդի անդամությունից։
Ռուսաստանը կվերածվի մի փոքր երկրի՝ Մոսկովիայի (առանց հյուսիսային Կովկասի երկրների, Սիբիրի և Կուրիլյան կղզիների) և դեռ երկար տարիներ չի կարողանա խելքի գալ ու վերականգնվել։
Սա ցանկացած կայսրությանը բնորոշ, տրամաբանական և անխուսափելի կործանման դասական օրինակ է։
Մենք պատմական հնարավորություն կստանանք վերջապես թոթափել Ռուսական կայսրության 200֊ամյա լուծը և վերածվել ինքնիշխան, ազգային, ժողովրդավարական երկրի։
Մեր անվտանգությունը այլևս երաշխավորված կլինի մեր բանակի և դաշնակիցների (ԱՄՆ ոչ֊ՆԱՏՕ անդամ հիմնական դաշնակցի կարգավիճակ) կողմից։
Անցումային արդարադատության, լյուստրացիայից և նոր սահմանադրության ընդունումից հետո առաջացած մաքուր և ազգային քաղաքական դաշտը կայուն երաշխիք կհանդիսանա քաղաքական առողջ պայքարի, կոռուպցիայի վերացման և տնտեսական վերելքի համար։
Մենք պիտի պատրաստ լինենք առաջին իսկ պատեհ պահին ողողել Երևանի հրապարակները և մեր կամքը պարտադրելով՝ դնել այս գործընթացի սկիզբը: