Անսալով հայրենիքի և իր ժողովրդի նվիրյալ, ռազմական, քաղաքական և ազգային գործչի փառավոր ուղի անցած, հրամանատար Ժիրայր Սեֆիլյանի կոչին, Թումանյանի շրջանում կազմավորում եմ կամավորական ջոկատ

Անսալով մեծ հայրենասեր և հայրենատեր, հայրենիքի և իր ժողովրդի նվիրյալ, ռազմական, քաղաքական և ազգային գործչի փառավոր ուղի անցած, հրամանատար Ժիրայր Սեֆիլյանի կոչին (կոչի հղումը կտեղադրեմ ուղղերձիս տակ), Թումանյանի շրջանում կազմավորում եմ կամավորական ջոկատ:

Այո, անկախատեսելի աշխարհաքաղաքական զարգացումները, մեր թշնամիների անհագուրդ ախորժակը և հայատյաց, հայասպան քայլերը, մեր իշխանությունների և ընդդիմություն կոչվածների ստրկամիտ, թշնամահպատակ, ապազգային կեցվածքը, մեր ժողովրդի խեղճացած, բարոյալքված վիճակը մեզ այլընտրանք չեն թողնում, քան ազգային ազատագրական պայքարի քաղաքական համատեքստից զատ, պատրաստվել նաև վատթարագույնին...

Այո, զարգացումները կարող են հասցնել նրան, որ մենք ստիպված կլինենք, առանց իշխանությունների հետ համագործակցելու, առանց պետության կազմակերպման (որովհետև պետություն ըստ էության արդեն հիմա չունենք), ինքնակազմակերպվել և պաշտպանել մեր քաղաքաները, մեր գյուղերը, մեր փողոցներն ու տները, մեր ընտանիքներին արյունարբու թշնամու ներխուժումներից: Ուստի մենք այսօրից պետք է պատրաստվենք այդպիսի անցանկալի իրավիճակի: Դա հաստատապես նաև զսպող միջոց կլինի թշնամիների ներխուժումների, ասապատակությունների համար:

Սիրելի Թումանյանի շրջանի երիտասարդներ, ընկերներ, հայրենակիցներ, բարեկամներ, համաքաղաքացիներ ու համագյուղացիներ, թշնամին հարձակվի սյունեցու, արցախցու, վարդենիսցու, երախսցու, գյումրեցու թե երևանցու վրա, հարձակվում է բոլորիս վրա, ամեն հայի վրա, լինի նա Գորիսում, Վարդենիսում, Երևանի ամենաթանկարժեք սրճարանում, լոռվա ամենախուլ գյուղում, թե Կրեմլի պատերի տակ նկարվելիս: Որովհետև թշնամին թշնամի է ոչ թե սյունեցուն կամ սասունցուն, կամ մուսալեռցուն, այլ թշնամին հայի թշնամին է... Թշնամին Սյունիքից գա, Բերդավանից գա, թե Երևանի սրտից, եթե դու նրան չես կանգնեցնում, չես ոչնչացնում, մի օր գալիս է քո քաղաք, քո գյուղ, քո տան դուռը...

077701734, 091136217: Սրանք իմ հեռախոսահամարներն են: Ովքեր պատրաստ են կամավորագրվելու իմ ջոկատում, զանգահարեք: Կապվեք ինձ հետ, հանդիպենք, խոսանք, քննարկենք...

Սպասում եմ: