Կոչ եմ անում ինձ վստահող մտավորականներին իրենց ձայնը բարձրացնել՝ խոչընդոտելով Հաց Բերողի ճակատագրի կրկնությանը

Ծանոթ եմ նաև նրա ծանր հիվանդության ընթացքին և գիտեմ, որ մեզ մոտ չեն կարողանում բուժել, և եթե չկազմակերպվի նրա բուժումը արտերկրում, ապա կարող է ճակատագրական լինել հետևանքը:

Վարուժանին ճանաչող մարդու համար ուղղակի ծիծաղելի է այն կասկածը, թե նա դրանով կարող է խուսափել դատավարությունից, ընդհակառակը՝ դատավարությունից խուսափելը կլինի հենց դատարանի անարդար որոշումը, որի հետևանքով դատավարության ընթացքի մասին խոսք լինել չի կարող, քանի որ, ցավոք, դատելու միակ տարբերակը կլինի դատարանը հիվանդանոց տեղափոխելը:

Որպես Հայաստանի քաղաքացի պահանջում եմ արդարություն:

Մարդու կյանքին վտանգ է սպառնում, և իբր օրենքով բուժմանը խոչընդոտելը ոչ միայն բացահայտ անօրենություն է, այլև՝ հանցագործություն, ավելին՝ տմարդություն:

Միաժամանակ կոչ եմ անում ինձ վստահող մտավորականներին իրենց ձայնը բարձրացնել՝ խոչընդոտելով Հաց Բերողի ճակատագրի կրկնությանը: