44 չգնահատված հերոսական օրեր
Մուսա լեռան 40 օրվա հերոսապատումը մինչև անցյալ դարի երեսունական թվականները բացի մուսալեռցիներից համարյա ոչ ոքի հայտնի չէր...Եվ միայն Ֆրանց Վերֆելի վեպի բեսթսելեր դառնալուց հետո էր, որ հայերը սկսեցին գնահատել իրենց պատմության այս հերոսական դրվագը...
Նման մի այլ 40 օր էլ ենք ունեցել մենք անցյալ դարում, սակայն վերջինս իր Ֆրանց Վերֆելին մինչր օրս այդպես էլ չունեցավ...
1921թ. այս օրերին Հայաստանում 40 օր տևեց փետրվարյան ապստամբությունը...Դա աշխարհում կոմունիստական կարգերի դեմ ուղղված առաջին ապստամբությունն էր...
Այս համաժողովրդական ընդվզման շնորհիվ արդեն փետրվարի 18-ին հեղկոմի չարաբաստիկ իշխանությանը վերջ տրվեց, բանտի ճիրաններից ազատվեցին հարյուրավոր պետական գործիչներ և մտավորականներ (այդ թվում՝Հ. Քաջազնունին, Ն. Աղբալյանը, Լ. Շանթը):
Բայց այս պոռթկման ամենակարևոր արդյունքը դա Զանգեզուրի փրկվելն էր, այն չտրվեց Ադրբեջանին և մնաց Հայաստանի կազմում, որի շնորհիվ Հայաստանը պահպանեց իր սահմանը Իրանի հետ և ճեղքեց թուրքական շրջապատման վտանգը: Այս ապստամբության շնորհիվ էր, որ Հայաստանը հնարավորություն ստացավ 70 տարի Խորհրդային Միության կազմում գոյատևել միութենական հանրապետության կարգավիճակով: Իսկ վերջինս հիմք հանդիսացավ 1991թ. անկախության և միջազգային իրավունքի սուբյեկտ դառնալու համար...
Ահա այսպիսի չգնահատված հերոսական 40 օրեր
Галерея (4 фото)
