Ոստիկանները անհասկանալի պատճառներով ոստիկանական բաժանմունք են տարել քայլերթի մասնակից Արթուր Մովսիսյանին
Հաղորդագրություն
Այսօր` հոկտեմբերի 6-ին, Նոր-Նորքում իրականացվող Ազգային-Ժողովրդավարական բևեռի իրազեկման քայլերթի ընթացքում ոստիկանները անհասկանալի պատճառներով ոստիկանական բաժանմունք են տարել քայլերթի մասնակից Արթուր Մովսիսյանին և երկու ժամ բաժանմունքում պահելուց հետո ազատ են արձակել:
Արթուր Մովսիսյանը հայրենասեր և օրինապաշտ քաղաքացի է։ Նա 44-օրյա պատերազմի ժամանակ ռազմաճակատ մեկնեց իր զոհված որդու հուղարկավորության օրը` առաջնային համարելով Հայրենիքի պաշտպանությունը։
Ազգային-Ժողովրդավարական բևեռի խորհուրդ
06 Հոկտեմբերի 2021թ., Երևան