Մենք պարտավոր ենք ինքնաքավարանով անցնել եւ ինքնախոստովանել, որ ինքնախաբված ենք
Սեպտեմբերի 21-ի մասին
Որպես կանոն, պետության անվան տակ ծպտված կիսագաղութի հիմնական խորհրդանիշներն ու տոները պետք է ծառայեն գաղութարարին։
Մեր պարագայում առաջին հերթին խոսքը վերաբերվում է սեպտեմբերի 21-ին։
Մենք պարտավոր ենք ինքնաքավարանով անցնել եւ ինքնախոստովանել, որ ինքնախաբված ենք։
Հայաստանի Հանրապետությունն օկուպացված էր (այսօր էլ է` իր մեծ մասով), ուստի նրա անկախությունը պետք է վերականգնվեր դեօկուպացիոն ակտով (լինելու է)։
Դրա փոխարեն մենք "ինքնորոշվել" ենք Սովետական Հայաստանի տարածքի բնակիչների հանրաքվեով` ընդամենը այդ տարածքի վրա։
Իսկ դա հակաազգային եւ հակապետական գործողություն էր, որին մասնակցել եմ նաեւ ես։
Քանի դեռ մենք ցմրուր չենք խմել մեր իսկ լցրած բաժակի դառնությունը, քանի դեռ հստակ չափանիշներով չենք տարանջատվել ստից ու կեղծիքից եւ քանի դեռ չենք սպանել մեր մեջ նստած գաղութածին կուռքերին, չենք կարողանալու առաջ գնալ, փրկվել, պետություն ստեղծել եւ ազատ ու արժանապատիվ կյանք ունենալ։
Սեպտեմբերի 21-ը անկախության օր չէ, այլ ընդամենը Սովետական Միությունից դուրս լինելու կամաարտահայտության օր եւ, բնականաբար, շատ ավելի համեստ տեղ պետք է ունենա մեր կյանքում։ Այն չի կարելի նաեւ ինքնորոշման օր համարել, քանի որ ինքնորոշումը համակարգային եւ իրավական հետեւանքների հանգեցնող երեւույթ է։
Հայաստանի Հանրապետության անկախության օրը մայիսի 28-ն է։
Հ.Գ. Կիսագրագետները եւ կռապաշտները չարձագանքեն։