Հոկտեմբերի 1-ից սկսած Արեւն ավելի վառ է լինելու
Երեւի թե բոլորն էլ պատանի հասակում բազմիցս կատարել են այս պարզ օպտիկական գիտափորձը, երբ ուռուցիկ ոսպնյակի (խոշորացույց, տատիկի ակնոց, գոգավոր ապակու կտոր, եւլն) օգնությամբ հավաքել են արեւի լույսի ցրված փունջն ու ոսպնյակից դուրս եկող կենտրոնացված ճառագայթի կիզակետն ուղղելով թղթի, փայտի, տերեւի կամ այլ դյուրավառ նյութի մակերեւույթին՝ կրակ են ստացել։
Ազգային-Ժողովրդավարական Բեւեռի ապագաղութացման օրակարգ-ծրագիրը հենց այն ոսպնյակն է, որը կարո՛ղ է եւ պե՛տք է բեւեռացնի, համախմբի ու կենտրոնացնի ցաքուցրիվ, հաճախ տարամիտող, "անզանգված եւ անլիցք ֆոտոններին"՝ ուղղորդելով վերջիններիս հավաքական հզորությունն ու էներգիան Ազգային Ինքնիշխան Պետություն կերտելու կիզակետ-նպատակին, այրել-անցնելով անգամ անհաղթահարելի թվացող պատնեշները։
Հոկտեմբերի 1-ից սկսած Արեւն ավելի վառ է լինելու, ոսպնյակի ապակին էլ՝ առավել մաքուր։