Հարց իրավագետներին և պատմաբաններին, որ ասում են Սևրի պայմանագիրը ուժի մեջ չի մտել

Անվիճելի իրողություն է, որ Ազգերի լիգայի կողմից մանդատային խնամակալություն կարող էր հաստատվել միմիայն ՛՛Թուրքական կայսրությանը ՆԱԽԿԻՆՈՒՄ պատկանած որոշակի համայնքերի վրա՛՛ (Certain communities formerly belonging to the Turkish Empire). Տես՝ Ազգերի լիգայի կանոնադրությունը, հոդված # 22, The Covenant of the League of Nations, article # 22). Այսինքն, միմիայն այն համայնքերի, տարածքների վրա, որոնց նկատմամբ Թուրքիայի իրավունքներն ու տիտղոսը մանդատը հատկացնելու պահին արդեն չեղարկված էր:

Կից ներկայացնում եմ Ազգերի լիգայի այն փաստաթղթի տիտղոսաթերթը, որով Բրիտանական կայսրությանն է հատկացվել Պաղեստինի նկատմամբ մանդատը: Դա տեղի է ունեցել 1922թ. հուլիսի 24-ին: Փաստաթղթի նախաբանում հստակ գրված է, որ մանդատը հատկացվում է ՛՛Պաղեստինի տարածքի վրա, որը ՆԱԽԿԻՆՈՒՄ պատկանել է Թուրքական կայսրությանը (the territory of Palestine, which formerly belonged to the Turkish Empire). Հիշեցնեմ, որ սա Լոզանի պայմանագրի ստորագրումից (24 հուլիսի 1923թ.) ուղիղ մի տարի առաջ էր:

Հիմա հարցս. եթե Սևրի պայմանագիրը 1922թ. հուլիսին ուժի մեջ չի եղել, իսկ Լոզանն էլ դեռ չէր ստորագրվել, ապա ի՞նչ փաստաթղթով է Օսմանյան կայսությունը 1922թ. դրությամբ հրաժարված եղել Պաղեստինից: Ի՞նչ փաստաթղթով են չեղարկվել Պաղեստինի նկատմամբ Օսմանյան կայսրության տիտղոսն ու իրավունքները: Հիշեցնեմ, որ մանդատը կարող էր հատկացվել ՄԻԱՅՆ Օսմանյան/թուրքական կայսրության ՆԱԽԿԻՆ ՏԱՐԱԾՔՆԵՐԻ վրա, այսինքն ՄԻԱՅՆ ԴՐԱՆՑԻՑ թուրքերի ՀՐԱԺԱՐՈՒՄԻՑ ՀԵՏՈ: