ԱՍԱԼԱ-ի նվիրյալ մարտիկ,հերոս Ալեք Ենիգոմշյանի ծննդյան տարելիցին նվիրված ԱԺԲ-ի շնորհավորական ուղերձը.

Բացառիկ է Ալեք Ենիգոմշյանի ասպետական նվիրումն ու ավանդը Հայկական հարցի լուծման և Ազատ, անկախ ու միացյալ Հայաստանի վերակերտման մեր ազգային իղձին հասնելու գործում։

Ալեք Ենիգոմշյանն իր անցած ճանապարհով, ոգեղենությամբ, անհնարինը չճանաչող անկոտրում կամքով և, այդ ամենի հետ միասին՝ իր անսահման համեստությամբ ու առաքինի վարքուբարքով ազգային-ազատագրական պայքարի մարմնացում է, ինչպես նաև ուսանելի օրինակ հայ արժանապատիվ երիտասարդության համար՝ որպես ակունք նրա ոգեշնչման ու սխրագործության։

Հատկապես ներկայիս ծանր ու կորստալի օրերին կարիք ունենք Ալեքի նման անխորտակելի կաղնու ներկայության և լայնախոհության։

Շնորհավորում ենք մեր սիրելի Ալեք Ենիգոմշյանին և մաղթում ենք նրան անսպառ կորով ու առողջություն։