Ոսկեպարում տեղակայված ռուսական ուժերը անկլավներն Ադրբեջանին փոխանցելու համար են, ոչ թե Հայաստանը պաշտպանելու. չեմ հավատում, որ մերոնք կրակ կբացեն, երբ նրանք ներխուժեն. Արա Պապյան

Անդրադառնալով Տավուշի Ոսկեպար համայնքում ռուսական զորքերին ուղեկալի տեղակայմանը՝ նա ընդգծեց, որ կդժվարանա ասել, թե ինչու են առհասարակ դրանց կոչում սահմանապահ ուղեկալներ, այն դեպքում, երբ դրանք սահմանապահ զորքեր չեն, այլ ռուսական զինված ուժերի զորքերին են։ «Կարող եմ ենթադրել, որ դրանք 102.-րդ բազայի ինչ-որ ստորաբաժանումներ են։ Շատ կարևոր է , թե որտեղ են դրանք տեղակայվում։ Որքան հասկանում եմ՝ Վերին Ոսկեպարի մասին է խոսքը, այսինքն, իրենք գրավում են այն անկլավները, որոնք պետք է հանձնեն Ադրբեջանին։ Հանձնումը տեղի չի ունենալու միանգամից՝ հայերից ադրբեջանցիներին, հանձնումը տեղի է ունենալու հայերից ռուսների միջնորդությամբ։ Իմ կարծիքով՝ դա է տեղի ունենում։ Մինչդեռ մենք ինքնախաբեության մեջ ենք, դրա մասին ասել է Նիկոլ Փաշինյանը, դրա մասին շատ վերլուծաբաններ ասել են, ասել են չէ՞, որ Նիկոլը տալիս է ամեն ինչ, այսինքն, նաև անկլավները, որքանով են այդ անկլավները օրինական-անօրինական, որքանով են հայ- ադրբեջանական վարչական սահմանն օրինական՝ դա չի հուզում մեր իշխանություններին, իրենց նպատակն հետևյալն է՝ տվեք ինչ ուզում են ու խնդիր չեք ունենա ապագայում։ Ես վստահ եմ, որ սրան հաջորդելու է շատ ավելի վատ ռազմաքաղաքական իրավիճակ Հայաստանում և Հայաստանի շուրջ։

Այսինքն, Ոսկեպարում տեղակայված ռուսական ուժերը նրա համար են, որ անկլավները փոխանցեն Ադրբեջանին, ոչ թե Հայաստանը պաշտպանեն։ Ոսկեպարում մենք ընդհարումներ կամ բախումներ չունեինք չէ, որևէ ադրբեջանական ուժեր չէին մտել։ Եթե իսկապես մեր սահմանները պաշտպանելու մասին է խոսքը, իրենք, օրինակ, պետք է գնային Սև լճի մոտ։ Նույն ԳՇ-ի տվյալներով և իրենց սահմանները պարունակող քարտեզներով հստակ է, որ Սև լճի 80 տոկոսն Հայաստանում է գտնվում, 20 տոկոսը՝ Ադրբեջանում, այնինչ այսօր գրեթե ամբողջն իրենց վերահսկողության տակ է, մեզ մի փոքր միջանցք են թողել, այսօր էլ 1000 հոգի ադրբեջանցի զինծառայող է այնտեղ կուտակված։ Հիմա որ իբր պաշտպանության նախարարը հրաման է տալիս «ոչնչացնել» էդ 1000 հոգուն, մերոնք պետք է ոչնչացնե՞ն։ Չեմ հավատում։ Եթե նման խնդիր լիներ, մերոնք առաջին հերթին պետք է ընդունեին մեզ մեկնած ԱՄՆ-ի և Ֆրանսիայի ձեռքը, որպեսզի դիմադրելու համար բավարար ուժ ունենային, էլ չեմ ասում՝ ազատագրելու մեր տարածքները։ Հետևաբար, ակնհայտ է դառնում, որ այն ինչ հիմա կատարվում է «հանձնում ենք ու երկարատև խաղաղություն ենք ստանում» իրենց ձևակերպումներն են կյանքի կոչում։ Պատասխան չի տրվում ամենակարևոր հարցին՝ ինչի դիմաց։ Գիտեք ինչի է նման, երբ ասում են. «Եթե ձեզ բռնաբարում են, դուք չեք կարող դիմադրել՝ թուլացեք ու հաճույք ստացեք»։ Հիմա այսօր մեր իշխանությունների հետ սա է կատարվում, չեն կարողանում դիմադրել ու երկիր պաշտպանել՝ փորձում են հաճույք ստանալ, ժողովրդին էլ խաբում են»։

Պապյանը մեկ անգամ ևս ընդգծեց, որ չի կարծում, որ մերոնք քաղաքական որոշում ունեն և ռազմական բավարար կարողություն՝ դիմադրելու համար։ «Դիմադրելու և քաղաքական որոշում փոխելու համար պետք է լինեին նախապես կատարված որոշ քայլեր, նախադրյալներ պետք է լինեն, այսինքն, ոնց են փոխելու, ոնց են դիմադրելու, ոնց են ոչնչացնելու, երբ նրանց կողմից արդեն խրամատավորված, լավ կահավորված դիրքեր են, իսկ մեզ մոտ ինչ-որ մասնավոր նվիրատվություններով տրված վրաններ ու թեթև զենք։ Դիմադրող լինեին, թող Քարվաճառում դիմադրեին մի թղթի ստորագրությամբ 4,5 հազար քմ տվեցին, հիմա ի՞նչ է 1000քմ այստեղ, ոչ չտան, էդպես մարմանդ ադրբեջանցիք առաջ են գալու»։



Հղում աղբյուրին՝