Երբեք թշնամու կացինն այսքան մոտ չի եղել մեր Կենաց ծառի արմատին
Պուտինը հատուկ ընգծեց Փաշինյանի նկատմամբ "ժողովրդի վստահության" կարեւորությունը։ Պուտինը գոհ է, որովհետեւ կարողացել է ռուս-թուրք եւ նախկին-ներկա կեղծ երկընտրանքները խաղարկելով մակերեսի վրա ստանալ այդ "վստահությունը" եւ հիմա պատրաստվում է դա օգտագործել իր հայակործան պլանների համար։ Որքան էլ ցավալի է ու վտանգավոր, Պուտինն ի դեմս Փաշինյանի ունի "լեգիտիմ դավաճան", որի ձեռքով կփորձի տապանաքար դնել Հայաստանի ու հայության ապագայի վրա։ Երբեք թշնամու կացինն այսքան մոտ չի եղել մեր Կենաց ծառի արմատին։
Հ.Գ. (հոռետեսություն չտարածելու համար)
Անշուշտ, Պուտինի հակահայ պլանը չի հաջողելու թե արտաքին եւ թե ներքին պատճառներով։ Պուտինի գահն արդեն երերում է եւ, որքան էլ նա շտապի, չի կարողանալու ավարտին հասցնել իր պլանը։ Բացի այդ, նախկին կեղեքիչներին մերժելու նպատակով Փաշինյանի օգտին քվեարկած ժողովուրդն ամենեւին էլ դավաճանության մանդատ չի տվել նրան։ Ուստի անխուսափելի են ընդվզումը եւ Քաղաքական Սարդարապատը, որն ավարտվելու է ազգային կառավարության հաստատմամբ եւ բոլոր հակահայ պլանների մերժմամբ ու չեզոքացմամբ։