Տիգրան Կյուրեղյան

Այսօր լրանում էր ընտրացուցակներում ընդգրկվելու համար տրված մեր դիմումների պատասխանի ժամկետը: Կինս արդեն վերցրել է անձնագրային սեղանից տեղեկանքը այն մասին, որ ընդգրկվել է Հրազդանում մեր բնակության վայրի մոտ գտնվող ընտրական տեղամասի ընտրողների ցուցակում:

Ամեն ինչ արվել է օրենքի տառին համապատասխան:

Հարգելի Արցախում հաշվառված ՀՀ քաղաքացիներ, դուք կարող եք մասնակցել ՀՀ Ազգային ժողովի ընտրություններին դիմելով մոտակա անձնագրային բաժին: Որևէ սահմանափակում չկա և չի կարող լինել ընդհանրապես, քանի որ դուք ՀՀ քաղաքացի եք և ունեք ընտրելու իրավունք: Պետական մարմինները պարտավոր են ապահովել այդ իրավունքի իրացումը, այլ ոչ թե ստեղծել արհեստական քաշքշուկներ, ինչը որոշ դեպքերում նկատվել է: Վերլուծելով այս օրերին եղած տեղեկատվությունը, կարող եմ փաստել, որ ինչ որ բանավոր հրահանգի համաձայն փորձ էր արվում խոչընդոտել մեր ընտրելու իրավունքի իրացումը՝ օգտվելով դիմողների անտեղյակությունից և հենվելով որոշակի կարծրատիպերի վրա: Տարածեք այս ինֆորմացիան բոլոր հնարավոր միջոցներով, մասնակցեք ՀՀ քաղաքական կյանքին, դարձեք ՀՀ քաղաքացի: