Ես ոչմիթիզական հայ եմ, իսկ դուք՝ սրբապիղծ, անհայրենիք ու անազգ դավաճաններ եք

1994-ի մայիսից սկսած, բոլոր իշխանությունները թշնամու հետ բանակցել են ԱԶԱՏԱԳՐԱԾԸ, ներառյալ Արցախը որևէ ձևաչափով հետ հանձնելու հարցի շուրջ։ Մշտապես քննարկել են Մեղրիի, Շուշիի, Սյունիքի (Զանգեզուրի) փոխանակման կամ հանձնման հարցերը։ Բո-լոր-րը։

Թշնամին ներկայումս ստացել է այդ ամենը։ Համոզված եմ՝ ժամանակավորապես։

Այս բոլոր ռսաստրուկ դավաճանները զօր ու գիշեր մեղադրում են ոչմիթիզականներին և իրենց տերերի՝ կրեմլի պահանջով ամեն անգամ նշում են Ծռերին։ ԿԳԲ-ի գործակալները 30 տարի հեծնելով ՀՀ պետական բարձր պաշտոնները, ալիևների հետ սակարկում էին մեր Հայրենիքի տարածքներն ու մեղադրում են ոչմիթիզականներին, ովքեր երբեք իշխանություն ու առավել ևս բանակցող չեն եղել։

Ծռերն են «մեղավոր», որ 1993-ին ՄԱԿ-ի ԱԽ-ն ընդունել է հակահայ բանաձևեր, որ Հայաստանում հոկտեմբերի 27 ու մարտի 1 է եղել, որ բանակը հզորացնելու փոխարեն, այն թալանվել ու քանդվել է, որ պատերազմից վախենալով թշնամուց մուրացել եք «խաղաղություն», որ Հայաստանը դարձրել եք ռուս-թուրքական հերթական բաժանման օբյեկտ։

Ծռերին մեղադրելով դուք միմյանց ձեռք բռնած (պասերով) անշեղորեն կատարում եք ռուս-թուրքական պլանն ու թշնամուն մեր տուն եք մտցրել։

Հայաստանի ինքնիշխանության ու տարածքային ամբողջականության միակ թշնամին դուք եք՝ կրեմլի միջոցով «խաղաղություն» մուրացողներդ։ Իսկ թուրք-ադրբեջանական սպառնալիքը ձեր գոյության հետևանքն է։

Կրկնեմ ևս մեկ անգամ՝ դուք հայ ժողովրդի 30 տարին 30 արծաթով ծախել եք, ու դուք նույնիսկ Հուդա էլ չեք, քանի որ չեք զղջում ձեր կատարած դավաճանության համար։

Ես ոչմիթիզական հայ եմ, իսկ դուք՝ սրբապիղծ, անհայրենիք ու անազգ դավաճաններ եք։