Հայկ Մարտիրոսյանը Բրիտանական Պառլամենտի Փորթքուլլիս Հաուսում հանդիպում է ունեցել Միացյալ Թագավորության խորհրդարանի ներկայացուցիչների պալատի ավագ պատգամավոր Սըր Ջոն Ուիթթինգդեյլի հետ

Նա Սըր Ուիթթինգդեյլին ներկայացրել է Հայաստանի ներքաղաքական և արտաքին քաղաքական իրավիճակը, ինչպես նաև Ուկրաինայի պատերազմի արդյունքում Հայաստանի շուրջ իրավիճակի հնարավոր փոփոխությունների հետ կապված հանգամանքները։

Հայկ Մարտիրոսյանը ներկայացրել է նաև Ազգային-Ժողովրդավարական Բևեռի գործունեությունն ու քաղաքական դիրքորոշումը։

Նրանք քննարկել են Հայաստանի կենսական մարտահրավերների հետ կապված հարցեր։

Սըր Ուոթթինգդեյլը Հայկ Մարտիրոսյանին մտահոգություն է հայտնել` կապված Հայաստանի վիճակի հետ, հետաքրքրվել է հեռանկարներով և իր աջակցությունն է հայտնել հայ ժողովրդին։

Քննարկվել են նաև հարցերի այլ շրջանակ։

Սըր Ջոն Ուիթթինգդեյլը Բրիտանիայի ամենափորձառու և ամենածանրակշիռ քաղաքական գործիչներից է։

Եղել է վարչապետ Մարգարեթ Թեթչերի քաղաքական հարցերով խորհրդականը։ Զբաղեցրել է Միացյալ Թագավորության Կրթության և Աշխատանքի Պետնախարարի պաշտոնը։ Մշակույթի ստվերային նախարարի պաշտոնը։ Դեյվիդ Քեմերոնի կառավարությունում զբաղեցրել է Մշակույթի, Մեդիայի և Սպորտի Պետական Նախարարի պաշտոնը։

Սըր Ջոն Ուիթթինգդեյլը Բրիտանական Պառլամենտի Ներկայացուցիչների պալատի Մալդոնի պատգամավորն է։

Հանդիսանում է Բրիտանական Կայսրության Սպա ասպետական տիտղոսի կրող։ «Սըր» է։